Fyrr í mánuðinum var lokað Fjaðrárgljúfri í Skaftárhreppi og er Justin Bieber sagður vera sökudólgurinn. Justin hefur átt það erfitt upp á síðkastið. Nú er kominn enn annar hluturinn sem hann þarf að hafa áhyggjur af.

Sjá einnig: Justin Bieber opnar sig um erfiðleikana: Biður aðdáendur um að biðja til Guðs fyrir sig

Margir segja að hann sé ástæðan fyrir því að Fjaðrárgljúfur hafi lokað og sé eyðilagður.

Söngvarinn tók upp tónlistarmyndband fyrir lagið sitt „I‘ll Show You“ á Íslandi og var Fjaðrárgljúfur í aðalhlutverki í myndbandinu.

Daníel Freyr Jónsson, sérfræðingur frá umhverfisstofnun Íslands, sagði að myndband poppstjörnunnar sé ástæðan fyrir því að staðurinn hafi orðið svona vinsæll.

„Þetta gljúfur var nokkuð lítið þekkt. En ég held að Íslendingar hafi vitað af þessu nokkuð mikið lengur. Þetta var t.d. á frímerki á sjöunda áratugnum. Þessi mikla aukning hefur verið undanfarin hefur verið eftir að Bieberinn kom. Það var alveg 50-80% aukning milli ára 2016, 2017 og 2018,“ sagði Daníel í samtali við RÚV.

„Fólk æðir þarna um og reynir að forðast drulluna, gengur út fyrir stíga, og það veldur þessum skemmdum sem við höfum verið að benda á,“ sagði Daníel.

Fyrir myndbandið var Fjaðrárgljúfur þekkt heimamönnum en ekki vinsæll túristastaður. Yfir 440 milljón manns hafa horft á myndband Justin Bieber og áætlar Daníel að í kringum 300 þúsund manns heimsæki gljúfrið hvert ár.

Umhverfisstofnun Ísland hefur lokað öllum almennum göngustígum að Fjaðrárgljúfri. Gljúfrið mun vera lokað þar til í júní.