Áhugaljósmyndarinn Þröstur Ingólfur Víðisson tók fjölmargar svarthvítar myndir á filmu á árunum 1978 til 1990. Náði hann að fanga mörg einstök augnablik úr miðbænum. DV hefur áður birt myndir eftir Þröst en hér má sjá marga sem settu svip sinn á bæjarlífið á þessum árum.
Þeir sem eldri eru hafa oft gaman af því að skoða ljósmyndir frá sínum yngri árum og rifja upp gamla og góða tíma á meðan þeir sem yngri eru skemmta sér við að virða fyrir sér framandi tísku og tíðaranda.
Víst er að ófáir munu fyllast notalegri nostalgíutilfinningu þegar myndirnar eru skoðaðar og jafnvel ættu einhverjir að kannast við þá einstaklinga sem þar má sjá bregða fyrir.
