Það muna líklega flestir Íslendingar eftir skemmtiþáttunum 70 mínútur sem sýndur var á hverjum virkum degi á sjónvarpsstöðinni Popp Tíví. Það voru sjónvarpsmennirnir Sigmar og Jóhannes sem voru aðal þáttastjórnendur í upphafi en fljótlega tóku við þættinum þeir Auðunn Blöndal og Sverrir Þór Sverrisson. Stuttu eftir að Auddi og Sveppi, sem þeir hafa ávallt verið kallaðir, tóku við þættinum bættist í hópinn Pétur Jóhann Sigfússon. Frá upphafi sýninga eru liðin 19 ár.
Já tíminn líður aldeilis hratt á gervihnattaöld en þættirnir lifa þó enn í minningu flestra landsmanna enda voru þeir einnar sinnar tegundar á sínum tíma. Þættirnir komu út á árunum 2000 til 2007 og dagskrárliðirnir voru meðal annars áskorun, ógeðisdrykkur, falin myndavél og fríkað úti ásamt fleiri uppátækjum vinanna. Þættirnir færðust svo yfir á sjónvarpsstöðina stöð tvö en hét þá Strákarnir. Sá þáttur var þó aðeins 25 mínútur og var hann ekki gefinn út í beinni útsendingu líkt og hinir.
Eftir að þættirnir hættu í sýningu hafa verið gefnir út diskar með brotum af því besta úr þáttunum sem selst hafa í yfir 15 þúsund eintökum. DV fór á stúfana og hafði uppi nokkur af eftirminnilegustu atvikunum úr þáttunum og má sjá þau hér fyrir neðan:
Þátturinn þegar Sveppi mætti með Surstromming í stúdíóið og Auddi ældi vegna lyktarinnar.
Þátturinn þar sem Sveppi vakti Audda með ískaldri vatnsbunu.
Þátturinn þegar Auddi gerðist íþróttafréttamaður – Pungur
Þátturinn þegar Sveppi fór í hveitibað úti á gangstétt.
Þátturinn með eftirminnilega símaatinu til Kattholts.
Þátturinn þegar Pétur Jóhann hrekkir unglinga á nærbuxunum.
Þátturinn þegar Sveppi pissaði á sig.
Þátturinn þegar Sveppi hljóp á typpinu á sundæfingu fyrir eldriborgara.
Þátturinn þegar Sveppi og Auddi fóru í Bitchslap keppni.
Þátturinn með falinni myndavél í Kringlunni.
Sveppi og Auddi borða Chilli pipar.
Nokkur góð atriði úr þáttunum.
Lagið sem drengirnir tóku upp og gerðu allt vitlaust með: Crazy Bastard
Lokasyrpa.