Alþingismaðurinn Ágúst Ólafur Ágústsson fagnar 42ja ára afmæli sínu í dag og segir á gamansaman hátt frá því á Facebook hvaðan fyrsta afmæliskveðjan hafi komið.
„Eitt sinn sagði mjög greindur maður mér (og þá á ég auðvitað við Gunnar Eyjólfsson leikara) að tíminn væri það mikilvægasta sem maður á í lífinu. Ég fór að hugsa um þessi sannindi þegar minna en sólarhringur er í 42 ára afmælið mitt sem mér finnst vera ansi merkileg tala,“ skrifar Ágúst Ólafur í gær og heldur áfram.
„Að þessu sinni barst ekki einungis fyrsta afmæliskveðjan úr ólíklegri átt heldur var fyrsta afmælisgjöfin einnig nokkuð óvænt…“
Með færslunni birtir hann mynd af fyrstu afmæliskveðjunni sem var frá olíufyrirtækjunum Olís og ÓB. Fyrsta afmælisgjöfin, eins og sést hér fyrir neðan, var síðan geisladiskurinn The Gift með Britain’s Got Talent-stjörnunni Susan Boyle.