Líkt og DV greindi frá fyrr í dag þá braut áhrifavaldurinn Sólrún Diego lög með duldum auglýsingum á samfélagsmiðlum. Svo virðist sem hún sé verulega hörundsár yfir því að vakin sé athyli á þessu en hún sakaði meðal annars Neytendastofu um að vera leiksopp í höndum óvina sinna.
Sjá einnig: Sólrún Diego braut lög – Segir Neytendastofu leiksopp í höndum óvina sinna
Hinn geysivinsæli Twitter-notandi Haukur Bragason vakti á sínum tíma athygli á dulinni auglýsingu Sólrúnar og fjallaði DV í kjölfar þess um málið. Haukur greinir nú frá því á Twitter að Sólrúnu virðist hafa sárnað þetta, í það minnsta elti hún hann uppi til að blokka hann.
„Sólrún Diego sem sagt blokkaði mig á Instagram fyrir þetta skot á Twitter (væntanlega, höfum engin samskipti átt á Instagram). Leitaði hún sem sagt að mér á Insta til að koma í veg fyrir að ég geti séð og mögulega vakið athygli á (nú staðfestum) lögbrotum hennar? Ok. Áhugavert,“ skrifar Haukur.
Hann bætir því svo við að hann hafi einungis skrifað umrætt tíst á sínum tíma og hafi hvorki haft samband við DV eða Neytendastofu. „Og svo það sé á hreinu þá var þetta bara á Twitter. Ég kom ekki nálægt því á nokkurn annan hátt að kvarta undan Sólrúnu eða hafa samband við neina stofnun (hæ blaðamaður DV, hvernig hefurðu það í dag?). Finnst samt hortugheit SD varðandi öll sín brot hreinlega ótrúleg.“
Og svo það sé á hreinu þá var þetta bara á Twitter. Ég kom ekki nálægt því á nokkurn annan hátt að kvarta undan Sólrúnu eða hafa samband við neina stofnun (hæ blaðamaður DV, hvernig hefurðu það í dag?). Finnst samt hortugheit SD varðandi öll sín brot hreinlega ótrúleg.
— Haukur Bragason (@HaukurBragason) November 26, 2019