Gossip Girl snýr aftur á skjáinn. Í þetta sinn mun það vera nýja streymisveitan, HBO Max, sem hýsir þættina.
E! News greinir frá. Í þáttunum verður fylgst með nýjum hóp af ríkum krökkum í elítunni í Manhattan.
Ekki er vitað hvort að einhver úr upprunalega leikhópnum, eins og Blake Lively og Penn Badgley, muni koma fram í þáttunum.
Gossip Girl var upprunalega sýnt á stöðinni The CW. Þættirnir voru sýndir frá 2007-2012 og spönnuðu sex seríur.
HBO Max kemur vorið 2020 og mun til að mynda vera eina streymisveitan þar sem hægt er að horfa á Friends, Fresh Prince of Bel-Air, Pretty Little Liars og fleiri þætti.
