George Clooney er væntanlegur á klakann í haust. Leikarinn kemur til landsins vegna kvikmyndar sem hann mun leikstýra og leika aðalhlutverkið.
Myndin verður byggð á bókinni Good Morning, Midnight og framleidd af Netflix. Bókin Good Morning, Midnight er eftir Lily Brooks-Dalton og fjallar um tvo eftirlifendur sem reyna að átta sig á því hvað hafði gerst, en siðmenning hefur að mestu lagst af.
Vefurinn Backstage greinir frá þessu. Myndin verður tekin upp bæði á Íslandi og Bretlandi. Tökur munu hefjast í október í haust.
Við bíðum mjög spennt eftir komu Clooney!