Halldór Halldórsson dramatúrgur, betur þekktur sem Dóri DNA, segist í áfalli eftir að hafa horft á MMA bardaga í gærnótt. Myndband af þeim bardaga má sjá hér fyrir neðan en Jorge Masvidal rotaði andstæðing sinn, Ben Askren, á mettíma eða um fimm sekúndum.
Dóri segir á Twitter að honum hafi þótt þetta ógeðslegt. „Í fyrsta skipti fannst mér MMA ógeðslegt í nótt. Ekki að ég vilji banna það eða skammast í fólki sem hefur gaman af því. Ég bara fékk sting í magann þegar ég sá Ben Askren algjörlega útúr heiminum fá tvö bylmingshögg til viðbótar í smettið,“ skrifar Dóri.
Tónlistarmaðurinn Bubbi Morthens er líkt og Dóri áhugamaður um MMA. Hann segist sammála Dóra. „Ég er á sama stað,“ skrifar Bubbi í athugasemd.
Jorge Masvidal with the quickest KO in UFC history in just 5 seconds! ?
— AmericanGambler #PlayLegal (@makeUSbetagain) July 7, 2019
Ben Askren leaves the Octagon after being KO’d by Jorge Masvidal #UFC239 (via @grosenstein) pic.twitter.com/m5wwZGZaZC
— ESPN MMA (@espnmma) July 7, 2019