Eins og greint var frá í morgun mun hjartaknúsarinn Ed Sheeran halda tónleika á Íslandi laugardaginn 10. ágúst 2019 á Laugardalsvelli. Að því tilefni sendi kappinn þjóðinni kveðju. Sjáðu myndbandið hér að neðan.
„Þetta verða mínir fyrstu tónleikar á Íslandi en ég hef komið í heimsókn áður. Ég er mjög spenntur,“ sagði Sheeran meðal annars í myndbandinu.
Tónleikaferðalagið mun standa yfir frá maí til ágúst 2019 og kemur Ed að auki fram í Frakklandi, Portúgal, Spáni, Ítalíu, Þýskalandi, Austurríki, Rúmeníu, Tékklandi, Lettlandi, Rússlandi, Finnlandi, Danmörku og Ungverjalandi áður en hann lokar túrnum í heimalandi sínu, Bretlandi.
Miðasala hefst á slaginu kl. 9 að íslenskum tíma fimmtudaginn 27. september fyrir alla tónleikana í túrnum, þar með talið tónleikana á Íslandi. Miðasalan á Íslandi fer fram á Tix.is/ED.
