Leikkonan Julie Bowen er stödd á Íslandi. Á Instagram síðu sinni sendir hún kveðjur heim til Los Angeles, hálfgerðar samúðarkveðjur, en mikil hitabylgja hefur verið þar um slóðir að undanförnu.
Julie er mörgum Íslendingum að góðu kunn fyrir hlutverk sitt í sjónvarpsþáttunum Modern Family en þar leikur hún stjórnsömu móðurina Claire Dunphy sem er með fullkomnunaráráttu á hæsta stigi.
Julie er stödd hér á landi ásamt syni sínum Oliver en meðfylgjandi ljósmynd birtir leikkonan á Instagram síðu sinni ásamt orðunum: „Kveðjur frá Fellsjökli, Íslandi. Fyrirgefið hitann, LA.“
