Rapparinn Snoop Dogg, (einnig þekktur sem Snoop Doggy Dogg og Snoop Lion), tjaldaði heldur betur öllu til á tónlistarhátíðinni BottleRock í Napa dal á dögunum og kom sér í heimsmetabók Guinness um leið þegar hann blandaði kokteil sem trompar allt.

Snoop steig á sviðið ásamt rapparanum Warren G með tæplega 500 lítra af gini og safa – með sólhlíf og öllu.

Þetta var gert í tilefni útgáfu nýs lags eftir kappann og í senn til að minnast lagsins, Gin & Juice frá árinu 1993, með heldur viðeigandi hætti.

Ársbyrgðir af hressingu

Glasið mældist rúmlega meter á hæð og fóru 38 fernur af appelsínusafa, 154 ílát af apríkósukoníaki og 180 flöskur af gini við gerð kokteilsins.

Á Instagram-síðu sinni birti Snoop mynd af sér stálhressum með viðurkenningu sinni og áletruninni:

„Stærsti paradísarkokteill heims.”

Þetta kallar maður góða innkomu í stuðið, en ekki er vitað hversu marga aðila þurfti til að klára úr glasinu, eða hvernig ástandið var hjá neytendum eftir á.

In my @djkhaled voice another 1

A post shared by snoopdogg (@snoopdogg) on May 27, 2018 at 11:10am PDT

Gin and juice world record.

A post shared by snoopdogg (@snoopdogg) on May 27, 2018 at 11:09am PDT