fbpx
Miðvikudagur 01.apríl 2020
Fókus

Saxafónleikari í söngleiknum Kabarett spilaði með Gloriu Estefan og Barry Manilow

Ragna Gestsdóttir
Fimmtudaginn 1. nóvember 2018 09:00

Ekki missa af Helstu tíðindum dagsins í pósthólfið þitt

Lesa nánar

Hljómsveitin í söngleiknum Kabarett, sem sýndur er í Samkomuhúsinu á Akureyri, hefur vakið athygli enda ekki af verri endanum. Hljómsveitin, sem er á sviðinu alla sýninguna, er meðal annars skipuð af goðsögninni Pálma Gunnarssyni, sem spilar á kontrabassa, trommuleikaranum Einari Scheving, sem spilar á slagverk, og gítarleikaranum Kristján Edelstein. Færri vita hinsvegar að saxafónleikari sýningarinnar er hinn hæfileikaríki og reyndi Bandaríkjamaður, dr. Phillip J. Doyle, sem einnig spilar á klarinett og flautu í söngleiknum.

Doyle, sem varði nýverið doktorsritgerð sína við University of Miami Frost School of Music Alum í tónlistarfræðum, hefur tekið þátt í mörgum heimsþekktum verkefnum. Hann hefur til að mynda spilað í sjónvarpsþáttunum NBC Today Show og Ellen Degeneres Show og á sviði með söngkonunni Gloriu Estefan, stórstjörnunni Barry Manilow og kvikmyndaskáldinu James Newton Howard.

Þetta er ekki í fyrsta skiptið sem Doyle kemur fram á Íslandi því árið 2014 spilaði hann á Reykjavík Jazz Festival.

 

„Trommuleikarinn Einar Scheving hefur verið einn af mínum bestu vinum síðustu 14 árin og það er honum að þakka að ég er hér en Einar er einn besti trommuleikari sem ég hef spilað með,“ segir Doyle. „Síðan ég kom hingað fyrst, fyrir þremur árum, hefur mér liðið eins og heima hjá mér hér á landi. Sérstaklega vegna þess hversu vel íslensku tónlistarmennirnir hafa tekið mér. Það sama var upp á teningnum þegar ég kom til Akureyrar. Hljóðfæraleikarar Kabarett eru miklir fagmenn auk þess sem Þorvaldur Bjarni Þorvaldsson er einn sá besti tónlistarstjóri sem ég hef unnið með.“

 

Söngleikurinn Kabarett, eftir Joe Masteroff, var frumsýndur í Samkomuhúsinu 26. október. Leikstjóri sýningarinnar er Marta Nordal, en með aðalhlutverkin fara Ólöf Jara Skagfjörð, Hákon Jóhannesson, Hjalti Rúnar Jónsson, Karl Ágúst Úlfsson, Andrea Gylfadóttir, Birna Pétursdóttir og Jóhann Axel Ingólfsson. Danshöfundur er hinn heimsþekkti Lee Proud en um búninga og leikmynd sér Auður Ösp Guðmundsdóttir. Reynsluboltinn Doyle gefur hópnum afar háan gæðastimpil sem Hlín Agnarsdóttir, gagnrýnandi Menningarinnar á RÚV staðfesti í vikunni þegar hún gaf verkinu afar fína dóma.

 

Doyle segir Ísland draumi líkast. „Fjöllin, himininn og norðurljósin eru eins og úr öðrum heimi en það jafnast ekki á við samvinnuna í leikhúsinu. Það er oft sagt í Bandaríkjunum að í samkeppni komi hið rétta eðli fólks í ljós, en hér hef ég ekkert upplifað nema sanna vináttu sem gerir sýninguna enn betri. Hvert sæti er velskipað og ég er virkilega stoltur af því að taka þátt í Kabarett.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Yfirmenn Reebok Fitness bornir þungum sökum – „Þetta er ekki spurning um hvort, heldur hvenær slysin gerast“

Yfirmenn Reebok Fitness bornir þungum sökum – „Þetta er ekki spurning um hvort, heldur hvenær slysin gerast“
Fókus
Fyrir 4 dögum

Þetta er manneskjan sem ber ábyrgð á öllum óþolandi Tik Tok-dönsunum sem barnið þitt elskar

Þetta er manneskjan sem ber ábyrgð á öllum óþolandi Tik Tok-dönsunum sem barnið þitt elskar
Fókus
Fyrir 4 dögum

Ásgeir Kolbeins sér eftir að hafa leyft karlmanni að reyna við sig

Ásgeir Kolbeins sér eftir að hafa leyft karlmanni að reyna við sig
Fókus
Fyrir 5 dögum

Guðný gefur Íslendingum ráð: „Þið eruð því miður á leiðinni þangað að öllum líkindum“

Guðný gefur Íslendingum ráð: „Þið eruð því miður á leiðinni þangað að öllum líkindum“
Fókus
Fyrir 1 viku

Ráð fyrir fjölkært fólk til að díla við COVID-19 – „Fyrir fólk sem á fleiri en einn maka getur verið mjög erfitt að vera í sóttkví“

Ráð fyrir fjölkært fólk til að díla við COVID-19 – „Fyrir fólk sem á fleiri en einn maka getur verið mjög erfitt að vera í sóttkví“
Fókus
Fyrir 1 viku

Leifur, níu ára, segir slæmt að eiga afmæli í dag og hlakkar til þess að kórónuhelvítinu ljúki – „Eins og hjá frænku minni sem á afmæli 11. september“

Leifur, níu ára, segir slæmt að eiga afmæli í dag og hlakkar til þess að kórónuhelvítinu ljúki – „Eins og hjá frænku minni sem á afmæli 11. september“
Fókus
Fyrir 1 viku

Vikan á Instagram: „2020, árið sem allt fór í fokk“

Vikan á Instagram: „2020, árið sem allt fór í fokk“
Fókus
Fyrir 1 viku

Hollywood í klóm veirunnar – „Sjáumst næsta vor“

Hollywood í klóm veirunnar – „Sjáumst næsta vor“