Sjónvarpsáhofendur um allan heim bíða nú í ofvæni eftir lokaseríunni af Krúnuleikunum, eða Game of Thrones. Síðustu þættirnir verða frumsýndir næsta vor.
Kit Harington, sem leikur Jon Snow, hefur ekki einu sinni sagt eiginkonu sinni hvernig þættirnir enda en hún sjálf lék eitt sinn í þáttunum. Rose Leslie, eiginkona Harington, lék Ygritte í þáttunum á sínum tíma.
„Ég ákvað að segja henni ekki,“ segir Harington í viðtali við Esquire. „Í þessu tilviki, þá hugsaði ég með mér að ég ætti ekki að segja neinum.“
Harington segir að honum þyki nokkuð gaman að vita eitthvað sem enginn annar má vita. „Ég geng bara um og veit að enginn annar veit.“ Eiginkonan er líka spennt og spyr hann reglulega hvort þetta eða hitt muni gerast. „Hún er ekki búin að giska rétt, ennþá.“
