Sigurjón Þórðarson, þingmaður Flokks fólksins, segist orðinn þreyttur á skítadreifurum Sjálfstæðisflokksins. Segir hann þá nú halda því fram að núverandi ríkisstjórn beri ábyrgð á verkleysi fyrrum dómsmálaráðherra í máli fyrrum vararíkissaksóknara.

„Litlu skítadreifarar Sjálfstæðisflokksins. Nú eru dreifararnir að úða því út að núverandi ríkisstjórn beri ábyrgð á verkum og verkleysi Guðrúnar Hafsteinsdóttur sem dómsmálaráðherra í máli Helga Magnúsar Gunnarssonar, sem kostar samfélagið gríðarlega háar upphæðir,“

segir Sigurjón í færslu á Facebook. Með henni deilir hann færslu af Tvitter, þar sem karlmaður segir: „Óhlýðni ríkissaksóknnara og kjarkleysi dómsmálaráðherra valda skattgreiðendum ótrúlegu tjóni. Mig verkjar í skattana mina alla daga.“

Núverandi ríkisstjórn samansendur af Flokki fólksins, Samfylkingunni og Viðreisn, og kemur núverandi dómsmálaráðherra úr flokki Viðreisnar. Dómsmálaráðherra þegar mál Helga Magnúsar kom upp var úr Sjálfstæðisflokknum og núverandi formaður flokksins.

Sigurjón segist taka það fram að hann hafi mikla samúð með málstað Helga Magnúsar sem mátti sæta ofsóknum af hendi Mohamad Thor Jóhannessyni sem hefði átt fyrir löngu að vera kominn úr landi.

„Núverandi formaður Sjálfstæðisflokksins tók á sínum tíma bæði svo seint og illa á málum að útilokað var að vinna úr málum nema þá aðeins með ærnum kostnaði og viðhélt pattstöðu í málinu,“ segir Sigurjón og vitnar til orða fyrrum dómsmálaráðherra Guðrúnar Hafsteinsdóttur þegar hann tók ákvörðun í máli Helga Magnúsar:

„Núverandi formaður Sjálfstæðisflokksins sagði við sína ákvörðun: „Það er afstaða dómsmálaráðherra að ummæli vararíkissaksóknara hafi ekki aðeins verið óviðeigandi og í ósamræmi við stöðu hans sem embættismanns, heldur hafi þau einnig verið til þess fallin að draga úr og grafa undan trúverðugleika embættis ríkissaksóknara og ákæruvaldsins í heild og síðan áfram „Á hinn bóginn var tjáning vararíkissaksóknara sett fram við sérstakar aðstæður, niðurstaða dómsmálaráðherra að veita vararíkissaksóknara ekki lausn um stundarsakir.“

Segir Sigurjón Guðrúnu hafa slegið úr og í í málinu

„Og þannig fengu vararíkissaksóknari og ríkissaksóknari bæði réttlætingu fyrir því að viðhalda óþolandi ástandi innan þeirra réttindamúra sem æðstu embættismenn þjóðarinnar njóta. Það eina sem núverandi dómsmálaráðherra gerði var að þrífa upp eftir núverandi formann Sjálfstæðisflokksins í ráðuneytinu.“