Þetta er niðurstaða könnunar sem Berlingske, Reuters og TV2/Politiken gerðu í janúar. Það liggur því fyrir að meirihluti Bandaríkjamanna styður ekki hugmyndir Trump um framtíð Grænlands og það sama á við um Grænlendinga og Dani en viðhorf þeirra var einnig kannað.
En þessar niðurstöður munu ekki halda vöku fyrir Trump að mati Sofie Rud, sérfræðings í bandarískum málefnum.
Hún sagði að þessi niðurstaða geti gert að verkum að Trump finnist hann niðurlægður. „Ef Donald Trump finnst hann vera að missa andlitið, þá er hann undir þrýstingi og þá verður maður að vera á varðbergi því þá getur hann orðið óútreiknanlegur,“ sagði Rud.
Ummæli Trump um að réttast sé að Bandaríkin fái yfirráð yfir Grænlandi vöktu mikla athygli og óróa á Grænlandi, í Danmörku og víðar. Þessi ummæli hans sýna að nú á öðru kjörtímabili sínu leggur hann grunninn að nýrri heimsskipun þar sem Bandaríkin eru ekki lengur traustur leiðtogi hins vestræna heims.
