Björn Bjarnason, fyrrverandi ráðherra, segir að enginn utan þröngs samsærisheims Pútíns trúi því að Úkraínumenn með aðstoð leyniþjónustu Bandaríkjanna, hafi eitthvað haft að gera með hryðjuverkaásina í tónleikasalnum í Croscus-miðstöðinni þann 22. mars síðastaliðinn. Pútín og Rússar hafa reynt að klína ábyrgðinni af árásinni á Úkraínu en þó hafa hryðjuverkasamtökin ISIS lýst yfir ábyrgð á ódæðinu.

Björn segir í grein í Morgunblaðinu:

„Kreml­verj­ar eru orðnir svo samdauna lyg­inni í gervi­heim­in­um sem þeir skapa með áróðri sín­um og inn­ræt­ingu að eng­ar viðvar­an­ir duga um al­var­lega hættu sem steðjar að þeim og borg­ur­um þeirra.“

Hann bendir á að Pútín hafi tekið viðvörunum Bandaríkjamanna um yfirvofandi hryðjuverkaárás sem ögrun og ekki tekið mark á henni. Hann bendir á að við Crocus-tónleikasalinn hafi ekki verið nein öryggisægsla enda snúist allt öryggiskerfi ríkisins um Pútín og þá sem standa honum næstir.

Björn vitnar til ummæla sérfræðingins Owen Matthews sem segir ógnvekjandi að samsæriskenningar og ímyndanir einkenni málflutning upplýsingafulltrúa Rússlands, ríkis sem er kjarnorkuveldi og á fast sæti í öryggisráði Sameinuðu þjóðanna.

Björn segir ennfremur:

„Þegar Pútín komst til valda fyr­ir ald­ar­fjórðungi lofaði hann Rúss­um vel­sæld og ör­yggi enda fengi hann að skerða frelsi þeirra, seg­ir Matt­hews. Nú séu þess­ar for­send­ur brostn­ar. Hann hafi enga burði til að tryggja þjóðarör­yggi. Hon­um hafi mistek­ist að leggja und­ir sig Úkraínu með leift­ur­sókn árið 2022. Árið 2023 hafi Jev­geníj Prígó­sjín næst­um tek­ist að fella hann með einka­her sín­um. Nú sitji hann uppi með hryðju­verk í Moskvu þótt banda­ríska leyniþjón­ust­an hafi rétt gjör­ónýt­um þjóðarör­ygg­is­stofn­un­um hans hjálp­ar­hönd. Pútín hef­ur svipt Rússa ör­yggi og vel­sæld er dóm­ur Owens Matt­hews.

Þetta er öm­ur­leg og hættu­leg staða í öllu til­liti nú um páska 2024. Hún batn­ar ekki við að ör­vænt­ing Pútíns fái út­rás með hryðju­verk­um hans í Úkraínu.“