Gunnar Smári Egilsson skýtur föstum skotum á bæjarstjóra Kópavogs, Ásdísi Kristjánsdóttur, í færslu á Facebook þar sem hann vekur athygli á því hversu illa Kópavogur hafi staðið að húsnæðisuppbyggingu undanfarið og hversu kaldhæðið það sé í ljósi þess að hvergi í heiminum fái sveitarstjóri jafn há laun og í Kópavogi.

„Þarna sést að ekkert er að marka áætlanir sveitarfélaganna um húsnæðisuppbyggingu. Þessi fimm sveitarfélög áætluðu 7.974 íbúðir en reyndin varð 4.047, helmingurinn af því sem að var stefnt. Mesta undrið er Kópavogsbær undir forystu Sjálfstæðisflokksins, sem ætlaði að skila 1.401 íbúð en tókst aðeins að byggja 59, 4% af því sem að var stefnt. Það hlýtur að vera heimsmet. Eins og laun bæjarstjórans eru reyndar líka. Hvergi í heiminum er sveitarstjóra borguð önnur eins laun. Ekki að undra að Sjálfstæðisflokksfólk við gera Ásdísi Kristjánsdóttur bæjarstjóra Kópavogs að formanni flokksins.“