fbpx
Laugardagur 28.janúar 2023
Eyjan

Jón segir alla 19 hælisleitendurna vera komna aftur til landsins og á framfæri íslenskra skattgreiðenda

Kristján Kristjánsson
Föstudaginn 20. janúar 2023 06:02

Jón Gunnarsson. Mynd:Fréttablaðið/Ernir

Ekki missa af Helstu tíðindum dagsins í pósthólfið þitt

Lesa nánar

Allir þeir nítján umsækjendur um alþjóðlega vernd, sem var synjað um hana og voru sendir úr landi í haust, eru komnir aftur til landsins. Jón Gunnarsson, dómsmálaráðherra, staðfesti þetta og segir hælisleitendurna vera komna á framfæri íslenskra skattgreiðenda.

Þetta kemur fram í viðtali við Jón í Fréttablaðinu í dag. Segir Jón þetta sýna að verndarkerfið hér á landi sé stjórnlaust. Allir þessir nítján umsækjendur hafi fengið fulla málsmeðferð hér á landi og notið aðstoð löglærðs talsmanns. Að lokum hafi niðurstaðan verið sú að þeim var synjað um alþjóðlega vernd.

Upphaflega stóð til að senda 35 úr landi með sömu flugvélinni. „Þegar til kastanna kom náðist bara að senda 19 þeirra úr landi, en 16 gátu falið sig. Þessir 19 eru núna allir komnir til baka, búnir að endurnýja umsókn sína og komnir á framfæri íslenskra skattgreiðenda,“ segir Jón í viðtalinu.

„Þetta er stjórnleysi. Þetta er hringavitleysa. Við erum komin í ógöngur sem þjóð á þessu sviði,“ segir hann einnig og bætir við að þessi vandi sé heimatilbúinn. Rót hans sé að löggjöfin hér á landi sé linari en í löndunum í kringum okkur. „Og sú fiskisaga flýgur víða sem ýtir undir að hingað koma hópar umsækjenda til að reyna fyrir sér í íslenska kerfinu,“ segir hann einnig.

Hann segir að þetta bitni á þeim sem síst skyldi, fólkinu sem uppfyllir skilyrði um alþjóðlega vernd og búsetu hér á landi. „Flóttamannasamningur Sameinuðu þjóðanna er einhver fegursti sáttmáli sem saminn hefur verið. Við viljum geta rækt skyldur okkar með sóma á þeim vettvangi. En þá mega innviðirnir ekki bila af völdum þeirra sem eiga ekki rétt á vernd,“ segir hann.

Hægt er að lesa viðtalið við Jón í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kosning um verkfall hefst á morgun – Nær til starfsstöðva Íslandshótela á félagsvæði Eflingar

Kosning um verkfall hefst á morgun – Nær til starfsstöðva Íslandshótela á félagsvæði Eflingar
Eyjan
Fyrir 5 dögum

Þessu tapa Eflingarfélagar á því að missa möguleikann á afturvirkum kjarasamningi

Þessu tapa Eflingarfélagar á því að missa möguleikann á afturvirkum kjarasamningi
Eyjan
Fyrir 1 viku

Björn Leví: „Það ætti að hringja öll­um viðvör­un­ar­bjöll­um“

Björn Leví: „Það ætti að hringja öll­um viðvör­un­ar­bjöll­um“
Eyjan
Fyrir 1 viku

Simmi Vill segir að svona sé hægt að sporna gegn frekari verðbólgu á Íslandi

Simmi Vill segir að svona sé hægt að sporna gegn frekari verðbólgu á Íslandi
Eyjan
Fyrir 1 viku

Nýjar ásakanir á hendur umdeildum þingmanni – Sagður hafa stolið peningum frá hundi

Nýjar ásakanir á hendur umdeildum þingmanni – Sagður hafa stolið peningum frá hundi
Eyjan
Fyrir 1 viku

„Hafa viðlíka svik sést í sögu verkalýðsbaráttu á þessu landi?“

„Hafa viðlíka svik sést í sögu verkalýðsbaráttu á þessu landi?“