fbpx
Fimmtudagur 08.desember 2022
Eyjan

Hvetur RÚV til að slaufa útsendingum frá HM í Katar

Eyjan
Föstudaginn 18. nóvember 2022 11:00

Ólafur Hauksson

Ekki missa af Helstu tíðindum dagsins í pósthólfið þitt

Lesa nánar

Ólafur Hauksson, almannatengill og fyrrverandi blaðamaður, segir að það eina siðferðilega rétta í stöðunni hjá RÚV sé að sýna ekki frá HM fótbolta sem senn hefst í Qatar. Ástæðan sé sú að í gegnum sjónvarpið áformi þetta ríki þrælahalds, kúgunar og mannréttindabrota að skapa af sér glansmynd með hjálp vinsælustu íþróttar heims. Þetta kemur fram í aðsendri grein Ólafs sem birtist á Vísi í morgun.

„Það er RÚV ekki sæmandi að segja fréttir af dauða 6.500 verkamanna við að byggja fótboltastúkurnar og hefja svo daginn eftir beinar útsendingar frá þeim sömu mannvirkjum. Með slíkri útsendingu er verið að ganga erinda böðlanna. Sjónvarpi allra landsmanna er ekki stætt á því að vera þátttakandi í falskri glansmyndasýningu frá Katar,“ skrifar Ólafur.

Vinsældirnar ekki afsökun fyrir meðvirkni

Hann segir það enga afsökun fyrir  fyrir meðvirkni í mannréttindabrotum að HM sé svo vinsæl og margir ætli að horfa. Að mati Ólafs þrífst allur óþverraskapurinn vegna sjónvarpsútsendinganna og af engri annarri ástæðu.

„Það minnsta sem áhugafólk um fótbolta getur gert til að sýna andúð á framferði Katara er að neita sér um að horfa á HM. Hvetja RÚV til að hætta við útsendingarnar. Um leið eru það skýr skilaboð til FIFA, alþjóðasamtaka knattspyrnusambanda, vegna þeirrar spillingar sem leiddi til þess að Katar var valið til að halda HM,“ skrifar hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Controlant gerist bakhjarl Gulleggsins 2023

Controlant gerist bakhjarl Gulleggsins 2023
Eyjan
Fyrir 6 dögum

Sigmundur segir þetta vera stóru kjarabótina og að spillta kunningjasamfélagið hafi átt undir högg að sækja

Sigmundur segir þetta vera stóru kjarabótina og að spillta kunningjasamfélagið hafi átt undir högg að sækja