Borgarfulltrúar komu saman í dag til fyrsta fundar í borgarstjórn eftir kosningarnar 14. maí 2022, en tilkynnt var um nýtt meirihlutasamstarf Samfylkingar, Framsóknarflokks, Pírata og Viðreisnar í gær, 6. júní 2022.
Í upphafi fundar var Þórdís Lóa Þórhallsdóttir oddviti Viðreisnar kjörin forseti borgarstjórnar og tók hún þar með við fundarstjórn. Þá var Dagur B. Eggertsson oddviti Samfylkingar kosinn borgarstjóri en í upphafi árs 2024 tekur Einar Þorsteinsson, oddviti Framsóknarflokksins við embættinu.
Kosið var í ráð og nefndir.
Kosningu í nýtt mannréttindaráð og nýtt stafrænt ráð var frestað til næsta borgarstjórnarfundar.
Upplýsingar um kosningar í önnur ráð og nefndir má finna á vef Reykjavíkurborgar.
