Vel virðist hafa farið milli Bjarna Benediktssonar fjármálaráðherra og Suzuki Ryotari, nýs sendiherra Japans á Íslandi, ef marka má færslu Suzuki á Twitter um fund þeirra í gær.
Suzuki birti mynd af þeim saman og skrifaði: „Ég hitti þessa manneskju á skrifstofu hans í dag @Bjarni_Ben. Eins og sjá má á myndinni var hann mjög hávaxinn og myndarlegur!! (Og klár líka, að sjálfsögðu) Þegar ég stend við hliðina á honum virðist ég lítill.“
Bjarni var lukkulegur með hrósið og gætti þess að endurgjalda það í sínu eigin tísti.
„Mín var ánægjan @SUZUKIRoytaro1, og þú ert ekki sem verstur sjálfur!“
The pleasure was all mine @SUZUKIRyotaro1, and you’re not too bad yourself! https://t.co/CdNVQCsFwA
— Bjarni Benediktsson (@Bjarni_Ben) July 7, 2021
