fbpx
Fimmtudagur 16.september 2021
Eyjan

Ragnar Þór segir stjórnvöld lítið hugsa um verslunarfólk – „Það er ekki annað í stöðunni að við tökum málin í eigin hendur“

Heimir Hannesson
Sunnudaginn 25. júlí 2021 16:30

Ragnar Þór Ingólfsson. Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Færsla Ragnars Þórs Ingólfssonar, formanns VR, fer nú um samfélagsmiðla eins og eldur í sinu. Þar minnir Ragnar Þór á mikilvægi framlínustarfsfólks í verslunum í landinu og brýnir fyrir fólki að koma fram við það af virðingu.

„Síðastliðið ár hefur verið verslunarfólki afar erfitt og krefjandi á tímum Covid,“ skrifar Ragnar. „Það er í raun óskiljanlegt hversu lítið tillit hefur verið tekið til mikilvægi framlínustarfa eins og í verslun. Það er varla hægt að gera sér í hugarlund hvernig staðan væri ef almenningur hefði ekki nær óheftan aðgang að nauðsynjavöru og annarri þjónustu.“

Á meðan stjórnvöld völdu starfsstéttir í forgang í bólusetningar var ekkert hugsað um starfsfólk í verslunum þrátt fyrir að VR hafi ítrekað bent stjórnvöldum á mikilvægi þess að verja okkar hópa betur.

Ragnar segist hafa áhyggjur af verslunarfólki í nýrri Covid-bylgju sem nú geisar og því skilningsleysi á stöðu þeirra sem standa vaktina.

Ragnar skrifar áfram:

Það er því ekki annað í stöðunni að við sem samfélag tökum málin í eigin hendur.

Sýnum framlínufólki í verslun þá virðingu sem það á skilið. Bíðum ekki eftir frekari fyrirmælum og setjum upp grímuna og notumst við 2 metra regluna þegar við förum út í búð.

Þannig getum við best þakkað þeim hetjum fyrir sem sjá okkur fyrir nauðsynjavörum og annarri þjónustu á meðan þessi bylgja gengur yfir.

Vinsamlega deildu og taktu þátt í að bæta öryggi framlínufólks í verslun.

Á rétt rúmri klukkustund hafa 130 manns þegar deilt færslu Ragnars, og hundruð til viðbótar tjáð sig undir henni. Það er því ljóst að Ragnar hefur slegið á strengi sem margir geta tekið undir með. Færslu Ragnars má sjá hér að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Glúmur segir Arnþrúði hafa bannað sig en Arnþrúður segir það út í hött – „Hann ætti að skrifa Guðmundi Franklín bréf“

Glúmur segir Arnþrúði hafa bannað sig en Arnþrúður segir það út í hött – „Hann ætti að skrifa Guðmundi Franklín bréf“
Eyjan
Fyrir 2 dögum

Lögfræðingar spyrja hvort Covid einangraðir kunni að eiga kröfu á ríkið – Einkennalausir nýta veikindarétt í einangrun

Lögfræðingar spyrja hvort Covid einangraðir kunni að eiga kröfu á ríkið – Einkennalausir nýta veikindarétt í einangrun
Eyjan
Fyrir 1 viku

Orðið á götunni: Píratar sigla staurblankir inn í kosningabaráttuna – „Opna bókhaldið“ ekki uppfært síðan í fyrra

Orðið á götunni: Píratar sigla staurblankir inn í kosningabaráttuna – „Opna bókhaldið“ ekki uppfært síðan í fyrra
Eyjan
Fyrir 1 viku

Rekstur lífeyrissjóðanna kostar 25 milljarða á ári – „Of margir á spena þessa kerfis“

Rekstur lífeyrissjóðanna kostar 25 milljarða á ári – „Of margir á spena þessa kerfis“