Þórdís Anna Oddsdóttir hefur verið ráðin forstöðumaður fjárstýringar hjá Landvirkjun.
Þórdís Anna lauk BSc í vélaverkfræði frá Háskóla Íslands árið 2006 og MSc í iðnaðarverkfræði frá Georgia Institute of Technology í Bandaríkjunum árið 2007.
Hún kemur til Landsvirkjunar frá Kviku banka, þar sem hún hefur starfað við fyrirtækjaráðgjöf undanfarin 3 ár. Þar á undan vann hún í 6 ár hjá Icelandair, m.a. sem forstöðumaður í tekjustýringu og á fjármálasviði. Einnig hefur hún starfað sem sérfræðingur í áhættustýringu hjá Straumi fjárfestingabanka og við gjaldeyrismiðlun hjá Landsbankanum.
