Samiðn fagnar þeim árangri sem náðst hefur í átakinu “Allir vinna” en á þessu ári hafa endurgreiðslur numið um 9,2 milljörðum kr og námu tæpum 20 milljörðum kr árið 2020.

Í tilkynningu frá Samiðn er sagt að átakið hafi verið mikilsvert innlegg í þann árangri sem íslenskt samfélag hefur þó náð í afar erfiðu og krefjandi árferði.

Samiðn vill hvetja íslensk stjórnvöld til þess að framlengja átakið „Allir vinna“ enda fara þar saman hagsmunir allra. Samkvæmt fjárlagafrumvarpinu 2022 er ekki gert ráð fyrir að umrætt átak haldi áfram í núverandi mynd og því nauðsynlegt að sú breyting eigi sér stað í meðförum þingsins að átakið „Allir vinna“ verði framlengt.

,Það er afar mikilvægt að halda hjólum atvinnulífsins gangandi og stuðla að því að skila mikilvægum virðisaukandi verkefnum til samfélagsins. Átakið örvar hagkerfið með því að hvetja til aukinna umsvifa í kjölfar Covid-19. Samiðn hefur lagt mikla áherslu á átakið og við hvetjum stjórnvöld til að framlengja það,“ segir Hilmar Harðarson, formaður Samiðnar.