fbpx
Mánudagur 15.september 2025
Eyjan

Myndin af slagsmálunum vekur úlfúð: Maðurinn sagður „skúrkalegur“ fyrir að bregðast ekki við – „Erum við í alvöru að fagna þessu afskiptaleysi?“

Jón Þór Stefánsson
Miðvikudaginn 21. júlí 2021 21:40

Myndin er samsett.

Ekki missa af Helstu tíðindum dagsins í pósthólfið þitt

Lesa nánar

Í dag tók blaðamaður Vísis viðtal við Jón Stefánsson, fyrrverandi ljósmyndara, slökkviliðsmann og flugbjörgunarsveitarmann vegna ljósmyndar af honum að drekka bjór í kjölfar mikilla slagsmála sem áttu sér stað á Akureyri í gærkvöldi. Ljósmyndin hafði vakið mikla athygli á samfélagsmiðlum, og þótti ansi skemmtileg.

Í viðtalinu sagði Jón til að mynda: „Ég veit ekki um aðra en ég hef nú séð ýmislegt, búinn að vera í slökkviliðinu og flugbjörgunarsveitinni. Ég drakk minn bjór, ég ætlaði ekki að fara að skipta mér af þessu.“

Þetta viðtal og umfjöllunin í kringum myndina hefur nú vakið upp úlfúð á samfélagsmiðlinum Twitter, en þar er sett út á Jón fyrir að gera ekkert í slagsmálunum, og samfélagið sjálft sem fagnar því að hann hafi ekkert gert.

„Erum við í alvöru að fagna þessu afskiptaleysi?“

Aktivistin Hildur Lilliendahl Viggósdóttir var fyrst að gagnrýna þetta, en hún deildi skjáskoti úr fréttinni og skrifaði: „Er ég eitthvað að misskilja samfélagið okkar? Erum við í alvöru að fagna þessu afskiptaleysi?“

„Mér finnst í fyrsta lagi að maður með þennan bakgrunn hefði átt að bregðast við en hitt öllu verra hvernig fréttaflutningurinn og fögnuðurinn yfir þessu normalíseraða ofbeldi er.“

Einn netverji spurði Hildi hvort það væri eðlilegt að ætlast til þess að eldri maður myndi stöðva átök mikið yngri manna: „60 ára kall að stoppa slag ungmenna? Eigum við ekki aðeins að slaka?“ Hildur svaraði því: „Ég var sannarlega ekki að leggja það til.“

Nokkur rifrildi sköpuðust um ummæli Hildar sem varð til þess að hún útskýrði ummæli sín betur: „Fyrst og fremst snýst þetta um fréttaflutninginn og viðbrögð twitter við þessari mynd, fremur en það hvað maðurinn gerði eða gerði ekki.“

„Finnst frekar skúrkalegt að horfa af vanþóknun á blæðandi einstakling“

María Lilja Þrastardóttir tjáði sig einnig um málið. Eftir að einn netverji kallaði slagsmálamennina „snarruglaða“ svaraði hún: „Það hefur hvergi komið fram að þeir hafi verið snarruglaðir, þó vissulega sé þetta ekkert eðlileg hegðun. Þarna er maður, mikið slasaður og við erum bara voða slök yfir því að fyrrum opinber hjálparstarfsmaður aðstoði hann ekki því hann var með nýjan bjór.“

Einn netverji tjáði sig um ummæli hennar og sagði: „Fullkomlega óeðlilegt að gera þennan eldri borgara að skúrk í þessu máli.“

Því svaraði María: „Mér finnst frekar skúrkalegt að horfa af vanþóknun á blæðandi einstakling af því hann truflar bjórdrykkjuna mína.“ og bætti við: „En hér er helst verið að tala um upphafninguna á þeim skúrkahætti í fjölmiðlum.“

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Jón vill breyta þessu við hátíðleg tækifæri – „Þurfum við ekki að taka höndum saman“

Jón vill breyta þessu við hátíðleg tækifæri – „Þurfum við ekki að taka höndum saman“
EyjanFastir pennar
Fyrir 4 dögum

Þorsteinn Pálsson skrifar: Ólík viðbrögð við hatri

Þorsteinn Pálsson skrifar: Ólík viðbrögð við hatri
Eyjan
Fyrir 5 dögum

Vilhjálmur bálreiður út í ríkisstjórnina

Vilhjálmur bálreiður út í ríkisstjórnina
EyjanFastir pennar
Fyrir 5 dögum

Thomas Möller skrifar: Stöðugleiki skiptir mestu máli

Thomas Möller skrifar: Stöðugleiki skiptir mestu máli
Eyjan
Fyrir 1 viku

Orðið á götunni: Forpokaðir fordómagrísir haldnir forréttindablindu ráðast gegn minnihlutahóp

Orðið á götunni: Forpokaðir fordómagrísir haldnir forréttindablindu ráðast gegn minnihlutahóp
EyjanFastir pennar
Fyrir 1 viku

Sigmundur Ernir skrifar: Okkur hefur mistekist hrapallega á húsnæðismarkaði

Sigmundur Ernir skrifar: Okkur hefur mistekist hrapallega á húsnæðismarkaði
EyjanFastir pennar
Fyrir 1 viku

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla
EyjanFastir pennar
Fyrir 1 viku

Nína Richter skrifar: Popúlismi er tæki og við erum fólk

Nína Richter skrifar: Popúlismi er tæki og við erum fólk