„Stundum er talað um að koma að tómum kofanum. Það hlýtur að komið upp í huga margra sem hlustuðu fréttaviðtöl við formann og tilvonandi varaformann Samfylkingarinnar í kvöldfréttunum í gær um efnahagslegar aðgerðir ríkisstjórnarinnar,“ segir Brynjar í færslunni. „Þau höfðu engin betri ráð til að glíma við vandann en að hækka atvinnuleysisbætur. Er það virkilega svo að forystumenn Samfylkingarinnar hafi engan skilning á því hvar hagsmunir almennings liggja og gangverki efnahagslífsins? Eða er svona málflutningur bara sýndarmennska?“
Helga Vala Helgadóttir, þingmaður Samfylkingarinnar, var í viðtali á Íslandi í dag á Stöð 2 í gær en Helga tilkynnti það nýverið að hún ætli að gefa kost á sér í kjör varaformanns flokksins. Brynjar segir að viðtalið hafi verið „fróðlegt“.
„Samfylkingarmenn tala stundum um að það þurfi að hvíla Sjálfstæðisflokkinn eitt kjörtímabil. Má vera að allir þurfi á hvíld að halda öðru hvoru. En þá verða einhverjir að vera til staðar sem geta tekið keflið,“ segir Brynjar sem leggur síðan til þess að Samfylkingin taki sér hvíld, jafnvel fyrir fullt og allt þá.
„Sýnist frekar að Samfylkingin þyrfti hvíld – jafnvel for good eins og menn segja á útlensku. Lauma hér að þeirri tillögu að jafnaðarmenn endurveki gamla Alþýðuflokkinn.“
