fbpx
Föstudagur 25.september 2020
Eyjan

Furðuleg afstaða að vilja loka landinu á ný

Ágúst Borgþór Sverrisson
Föstudaginn 14. ágúst 2020 09:48

Hörður Ægisson.

Ekki missa af Helstu tíðindum dagsins í pósthólfið þitt

Lesa nánar

Hörður Ægisson, viðskiptaritstóri Fréttablaðsins, undrar sig á afstöðu þeirra hagfræðinga sem telja skynsamlegt að loka landinu á ný. Hörður telur COVID-19 tilfelli í seinni bylgjunni vera fá og ekki gefa tilefni til harkalegra aðgerða. Hagnaðurinn af því að halda landinu opnu sé langt umfram þau vandamál sem veiran skapar. Þetta kemur fram í leiðara Fréttablaðsins í dag:

„Sumir hagfræðingar hafa reiknað sig niður á þá niðurstöðu að það sé efnahagslega skynsamlegt að hafa landið í reynd lokað. Það eru furðuleg rök. Látum liggja milli hluta þá staðreynd að aðeins um 40 tilfelli af virku smiti hafa greinst við landamærin í um 90 þúsund teknum sýnum sem er í samræmi við málflutning sóttvarnalæknis um að erlendum ferðamönnum fylgi lítil áhætta. Að hafa landið opið, með ákveðnum varúðarráðstöfunum, er afar mikils virði og skiptir ekki aðeins máli gagnvart hagsmunum ferðaþjónustunnar heldur einnig fyrir aðrar tengdar atvinnugreinar – og þá um leið lífsviðurværi þúsunda fjölskyldna sem að öðrum kosti horfa upp á atvinnuleysi og gríðarlegan tekjumissi. Það er ekki léttvægt mál.“

Hörður segir Íslendingum hafa tekist vel upp við með þær sóttvarnaaðgerðir sem beitt hefur verið. Engin ástæða sé til að herða aðgerðir á landamærum enda hafi fáir ferðamenn reynst smitaðir. Á hinn bóginn verði að sýna þeim skilning og nærgætni sem þjáist af kvíða vegna ástandsins. Hins vegar eigi ekki að koma til greina að slökkva og kveikja á samfélaginu á víxl. Skerðingar á starfsemi fyrirtækja og athafnafrelsi fólks hafi skaðlegri langtímaafleiðingar en sjálfur faraldurinn:

„Margir eru með kvíða og ótta vegna ástandsins, meiri en kannski efni standa til miðað við hættuna. Sýna verður því fólki skilning, ekki síst með því að ala ekki að óþörfu á hræðsluáróðri, en sjónarmið þeirra eiga ekki að ráða för við ákvarðanir stjórnvalda. Það á ekki að vera valkostur að kveikja og slökkva á samfélaginu á víxl hér næstu misserin þrátt fyrir að veiran muni birtast af og til. Hún er ekkert á förum. Þau skilaboð þurfa að heyrast meira og skýrar frá stjórnvöldum. Víðtækar skerðingar, hvort sem er á ferðafrelsi eða starfsemi fyrirtækja, hafa skaðlegar afleiðingar til lengri tíma fyrir heilsu og líðan fólks með auknu atvinnuleysi og fátækt. Sóttvarnasjónarmið hafa skiljanlega verið í forgrunni en það er ekki síður mikilvægt að horfa til efnahags- og félagslegra sjónarmiða.“

Í lok greinar sinnar brýnir Hörður okkur til að láta óttann ekki ná tökum á okkur:

„Við megum ekki stjórnast af óttanum einum þannig að viðbrögðin fari að valda meiri skaða en veiran sjálf.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 2 dögum

Segir forsendur lífskjarasamninga brostnar – „Þetta er ekki „grímulaus hræðsluáróður auðvaldsins“

Segir forsendur lífskjarasamninga brostnar – „Þetta er ekki „grímulaus hræðsluáróður auðvaldsins“
Eyjan
Fyrir 2 dögum

Neikvæð raunávöxtun milljarðatuga innlána heimilanna

Neikvæð raunávöxtun milljarðatuga innlána heimilanna
Eyjan
Fyrir 3 dögum

Sjúkrahúsprestur Þjóðkirkjunnar: „Kirkjan ekki tekið neina afstöðu til dánaraðstoðar“

Sjúkrahúsprestur Þjóðkirkjunnar: „Kirkjan ekki tekið neina afstöðu til dánaraðstoðar“
Eyjan
Fyrir 4 dögum

Nokkur spjót standa á Dóru Björt fyrir ummælin um Eyþór og miðbæinn á Selfossi

Nokkur spjót standa á Dóru Björt fyrir ummælin um Eyþór og miðbæinn á Selfossi