Hermann Guðmundsson, forstjóri Kemi, segir að það sé örugglega sérkennilegt starf að vera stjórnmálamaður. Þjóðin hafi aldrei í sögunni haft það betra en núna en samt sé stjórnvöldum sífellt blótað í sand og ösku. Hann segir sama fólkið ávallt syngja þennan bölsýnissöng. Hermann skrifaði eftirfarandi pistil á Facebook-síðu sína:
Það er örugglega skrýtið að vinna sem stjórnmálamaður.
Nú hafa íslendingar það betur en nokkru sinni í sögunni.Með mesta kaupmátt sögunnar, lægstu vexti, minnstu verðbólguna, öruggasta landið, mesta jafnréttið, tryggasta lífeyriskerfið og hreina og fallega náttúru.
Samt er til hópur af fólki sem blótar stjórnvöldum í sífellu og telur að allt gæti verið enn betra bara ef einhver annar fengi að stjórna.
Sama fólkið hefur sungið þennan söng allt frá stofnun lýðveldisins og mun halda áfram þessum söng þar til yfir lýkur.
