fbpx
Laugardagur 15.ágúst 2020
Eyjan

Vordís kjörin formaður Jarðhitafélags Íslands

Ritstjórn Eyjunnar
Þriðjudaginn 23. júní 2020 12:20

Ekki missa af Helstu tíðindum dagsins í pósthólfið þitt

Lesa nánar

Vordís Eiríksdóttir, forstöðumaður hjá Landsvirkjun, var kjörin formaður Jarðhitafélags Íslands á aðalfundi félagsins í gær. Guðjón H. Eggertsson, deildarstjóri hjá HS Orku, og Maryam Khodayar, ráðgjafi, voru einnig kjörin í stjórn félagsins. Þetta kemur fram í tilkynningu.

 Fjölnýting jarðvarmans í aðalhlutverki

Vordís er jarðeðlisfræðingur og starfar sem forstöðumaður jarðvarmareksturs hjá Landsvirkjun sem rekur þrjár gufuvirkjanir; Kröflu, Þeistareyki og gufustöðina í Bjarnarflagi. Hún tekur við formennsku af Sigurði H. Markússyni, viðskiptaþróunarstjóra hjá Landsvirkjun, sem gegnt hefur formennsku í tvö ár.

 „Lífsgæðin sem nýting jarðvarmans hefur fært þjóðinni er óumdeild en ég held við séum hvergi nærri hætt, möguleikar í fjölnýtingu og nýsköpun tengdri jarðhita eru miklir og á tímum sem þessum er mikilvægt sem aldrei fyrr að styðja við áframhaldandi uppbyggingu nýsköpunarfyrirtækja í geiranum“,

sagði Vordís í ávarpi til fundargesta í gær.

 „Á síðustu öld var unnið gríðarmikið starf við hagnýtingu jarðvarmans og stóð þar uppúr uppbygging hitaveitu og rafmagnsframleiðslu. Ég vona, og okkur sýnist allt stefna í að á þessari öld verður fjölnýting jarðvarmans í aðalhlutverki.“

Guðjón H. Eggertsson starfar sem deildarstjóri auðlindastýringar hjá HS Orku. Maryam Khodayar starfar sem sjálfstætt starfandi ráðgjafi og stundar jarðvísindarannsóknir í orkugeiranum. Þau taka við stjórnarsetu af Kristínu Völu Matthíasdóttur, HS Orku, sem setið hefur í stjórn frá árinu 2012 og Lovísu Árnadóttur, Samorku.

Stjórn JHFÍ skipa að loknum aðalfundi 2020:

Vordís Eiríksdóttir, formaður, Landsvirkjun
Daði Þorbjörnsson, ÍSOR
Guðjón H. Eggertsson, HS Orka
Gunnar Gunnarsson, Orkuveita Reykjavíkur
Lilja Tryggvadóttir, Mannvit
Maryam Khodayar, ráðgjafi
Sigrún Nanna Karlsdóttir, Gerosion

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 2 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“