Fyrir örskömmu hélt Alþýðusamband Íslands (ASÍ) blaðamannafund þar sem að „Rétta leiðin“ kynnt. Drífa Snædal sagði að það þyrfti sýn fyrir næstu mánuði og ár.
Drífa sagði að launafólk og almenningur ætti að hafa rétt til þátttöku í ákvarðanatöku og stefnumótun þegar að mjög háar fjárhæðir úr opinberum sjóðum væru notaðar til að styðja við atvinnulífið.
„Stærsta ógnin við íslenskt efnahagslíf í kjölfar COVID-19 er tekjumissir fólks og langvarandi atvinnuleysi.“
„Með atvinnusköpun og félagslegum aðgerðum má byggja upp sterkt samfélag til framtíðar.“
Bráðaaðgerðir snúast aðallega um að ná tökum á heimsfaraldrinum, vernda líf og heilsu fólks og tryggja getu heilbrigðiskerfisins til að sinna þörfum almennings. Þá þarf einnig að koma í veg fyrir skyndiáföll vegna tekjumissis sem geta haft miklar afleiðingar. Þá þarf að skilyrða framlög til einkaaðila úr opinberum sjóðum til að vernda almannahag og hagsmuni komandi kynslóða.
Uppbygging til framtíðar snýst til dæmis um að framfærsla veiti afkomuöryggi og möguleika til virkar samfélagsþátttöku. Auk þess að allir hafi aðgang að góðu húsnæði á viðráðanlegum kjörum og fólk þurfi ekki að verja meira en fjórðungi tekna sinna í húsnæðiskostnað.
Þá er einnig lögð áhersla á atvinnusköpun og að fólk hafi tryggingu til fullrar atvinnu. Einnig var rætt um Afleiðingar heimsfaraldursins hafa varpað ljósi á veikleika á íslenskum vinnumarkaði. Hópar launafólks búa ekki við ráðningaröryggi og fjölmargir einyrkjar eru réttindalitlir þegar áföll ríða yfir.
Síðan var einnig sett áhersla á menntun og öfluga innviði
Eftirfylgnin snýst aðallega um aðkomu verkalýðshreyfingarinnar, en hreyfingin gerir kröfu um að vera beinn þátttakandi í öllum ákvörðunum sem hafa áhrif á vinnumarkað sem varða framtíð og afkomu launafólks. Auk þess er sagt að samtök sem starfa í þágu almannaheilla og gæta réttinda viðkvæmra hópa eiga einnig rétt á að taka þátt í ákvarðanatöku sem þau varða.
