fbpx
Þriðjudagur 16.september 2025
Eyjan

Guðmundur Franklín hugleiðir forsetaframboð og gagnrýnir Fréttablaðið

Ágúst Borgþór Sverrisson
Þriðjudaginn 14. apríl 2020 19:00

Guðmundur Franklín

Ekki missa af Helstu tíðindum dagsins í pósthólfið þitt

Lesa nánar

Guðmundur Franklín Jónsson hefur verið orðaður við mögulegt framboð til embættis forseta Íslands í vor. Nú þegar hefur einn maður lýst yfir vilja til framboðs en það er Axel Pétur Axelsson samsæriskenningasmiður. Óvíst er að hann nái nægilegum fjölda meðmælenda til að geta boðið fram. Líklegt er hins vegar að Guðmundur hafi mun sterkara bakland.

Guðmundur fer yfir málið í stuttri Facebook-færslu í dag þar sem hann hnýtir í leiðinni í skrif Fréttablaðsins en í dálknum „Frá degi til dags“ er velt vöngum yfir forsetaframboðum. Þar segir:

Fyrsta mótframboð Guðna Th. Jóhannessonar til forseta Íslands hefur raungerst. Hvort nógu margar undirskriftir náist er annað mál. Mótframbjóðandinn, Axel Pétur Axelsson, er einna þekktastur fyrir samsæriskenningar sínar. Annar hugsanlegur frambjóðandi, Guðmundur Franklín Jónsson, sérlegur alþjóðasérfræðingur Útvarps Sögu, lætur enn ganga á eftir sér en segist heitur fyrir framboði. Aðrir sem hafa verið í deiglunni en ákveðið að láta ekki vaða eru Sturla Jónsson og Ástþór Magnússon. Enginn af þeim sem hér eru upptaldir væri sérstaklega líklegur til þess að láta Guðna svitna. Ætli það sé ekki betra að spara þessar 400 milljónir sem kosningar kosta?

Ef einhver mótframbjóðandi skyldi slysast yfir meðmælendaþröskuldinn er óumf lýjanlegt að kosningar verði í sumar, eða hvað? Lítil sanngirni er í því fólgin að fá að bjóða sig fram en eiga litla möguleika á að kynna sig. Forsetaframbjóðandinn er í eðli sínu mesti smitberi sem til er. Hann ferðast um landið, smalar fólki saman, tekur í spaðann á fólki og kyssir ungbörn. Þó að einhverjum takmörkunum verði sjálfsagt af létt á vormánuðum munu Þrjú á palli aldrei leyfa þetta og framboðinu þar með sjálfhætt.

Ljóst er að blaðamaður Fréttablaðsins er ekki hrifinn af því að haldnar verði forsetakosningar í vor og sér hindranir í veginum fyrir því, t.d. samkomubannið. Guðmundur svarar þessu með eftirfarandi færslu, en þar segist hann munu gera upp hug sinn til forsetaframboðs á næstunni, en raunar hlaupi honum kapp í kinn við að lesa þessi skrif Fréttablaðsins:

„Mér finnst nú svolítið sætt þegar Fréttablaðið reynir að draga úr mögulegum forsetaframbjóðendum með þessum hætti. Ég er nú bara þannig gerður að þetta hleypir heldur hita í mig en að draga úr mér og hyggst ég nú alvarlega skoða þann möguleika að bjóða mig fram.

Vesalings labbakútarnir eru greinilega farnir að skjálfa á beinunum yfir að sá sem storkar sitjandi forseta muni líklega bera sigur af hólmi. Ætli öll vötni falli nú ekki til Dýrafjarðar og ég verði að fara að gera upp hug minn von bráðar?“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Framkvæmdastjóri N1: Látum breytingar koma hratt fram í verðinu – bæði til lækkunar og hækkunar

Framkvæmdastjóri N1: Látum breytingar koma hratt fram í verðinu – bæði til lækkunar og hækkunar
Eyjan
Fyrir 5 dögum

Jón vill breyta þessu við hátíðleg tækifæri – „Þurfum við ekki að taka höndum saman“

Jón vill breyta þessu við hátíðleg tækifæri – „Þurfum við ekki að taka höndum saman“
Eyjan
Fyrir 6 dögum

Orðið á götunni: Forseti hefur lög að mæla – fólk vill ekki endurtekna gíslatöku á Alþingi

Orðið á götunni: Forseti hefur lög að mæla – fólk vill ekki endurtekna gíslatöku á Alþingi
Eyjan
Fyrir 6 dögum

Vilhjálmur bálreiður út í ríkisstjórnina

Vilhjálmur bálreiður út í ríkisstjórnina
Eyjan
Fyrir 1 viku

Björn Jón skrifar: Vanstillt þjóðfélagsumræða

Björn Jón skrifar: Vanstillt þjóðfélagsumræða
Eyjan
Fyrir 1 viku

Orðið á götunni: Forpokaðir fordómagrísir haldnir forréttindablindu ráðast gegn minnihlutahóp

Orðið á götunni: Forpokaðir fordómagrísir haldnir forréttindablindu ráðast gegn minnihlutahóp
Eyjan
Fyrir 1 viku

Breytingar í framkvæmdastjórn Póstsins – Eymar og Benedikt ráðnir

Breytingar í framkvæmdastjórn Póstsins – Eymar og Benedikt ráðnir
EyjanFastir pennar
Fyrir 1 viku

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla