Tekið skal fram vegna þessarar fréttar frá því á föstudaginn langa að vandamál Ásdísar Olsen er leyst og á Nova heiðurinn að því. Nova á enn fremur enga sök í málinu. Sjá nánar: Ásdís þakklát NOVA sem leysti málið eftir að hún varð fyrir barðinu á kortasvikara 

Ásdís Olsen, aðjunkt við HÍ, dagskrárgerðarkona og núvitundarfrumkvöðull greinir frá leiðinlegri upplifun á Facebook-síðu sinni í dag. Ásdís segir frá því að einhver sé búin að taka samtals 809.000 krónur af bankareikningi hennar. Færslurnar voru teknar út hjá símafyrirtækinu Nova, en þar er engin við sem getur hjálpað henni.

Þá virðist þrjóturinn ítrekað hafa reynt að taka meira af kortinu hennar, upphæðum að andvirði fleiri hundruð þúsunda.

„Einhver búinn að taka út 798.000 og 11.000 út — og svo þetta!! allar færslurnar á Nova og enginn við þar!! Hvað geri ég? Valitor segir mér að fylla út skýrslu?“

Ásdís bætir við ummælum við færslu sína. Þar kartar hún yfir annars vegar Valitor og hins vegar Nova.

„Valitor í alvöru!!! — tókst að fylla út kvörtunar formið með því að fá lánaðar gáfur hjá mörgum vinum — breyta vefformati í pdf skjal, skrifa undir — (það er maus) og senda skjal með tölvupósti“

„Er búin að tala við Valitor og fylla út formið og loka öllum kortum en finnst ég þurfi að stoppa Nova af að afhenda vörur, en næ ekki í neinn þar.“