fbpx
Þriðjudagur 26.maí 2020
Eyjan

Kristinn er sjötugur og fær ekki hlutabætur vegna ágalla í kerfinu – „Þetta er þakklætið – ER ÞETTA Í LAGI?“

Ritstjórn Eyjunnar
Miðvikudaginn 1. apríl 2020 13:15

Kristinn Jónsson. Mynd - Facebook.

Ekki missa af Helstu tíðindum dagsins í pósthólfið þitt

Lesa nánar

„Ég fór inn á vef Vinnumálastofnunar til að skrá mig inn á hlutabætur samkvæmt samningi sem ég hafði gert í síðustu viku við minn vinnuveitanda, þá fékk ég þessi skilaboð: Umsækjandi hefur náð 70 ára aldri og hefur því ekki bótarétt. Þetta er þakklætið sem við sem eldri erum fáum frá kerfinu eftir hartnær 60 ár á vinnumarkaði. ER ÞETTA Í LAGI?“

spyr Kristinn Jónsson, starfsmaður Húsasmiðjunnar á Facebook.

Falla milli þilja

Vinnumálastofnun fer einungis eftir lögum um atvinnuleysistryggingar frá 2006 þar sem aðeins fólk á aldrinum 18-69 ára hefur rétt til bóta. Vandamálið liggur því hjá löggjafanum.

Kristinn sagði við Eyjuna að  engin úrræði önnur væru í boði fyrir þá sem eldri væru og kysu að vinna. Hann þurfi því að styðjast við ellilífeyrinn, sem væri ekki mjög hár, en Kristinn er í 80% vinnu hjá Húsasmiðjunni. Fær hann 25 þúsund krónur mánaðarlega frá Tryggingastofnun.

Hann sagði þó að þingmenn í velferðarnefnd hefðu haft samband við hann og látið vita að málið yrði rætt í nefndinni sem fyrst.

Óskar eftir stuðningi

Einn þeirra þingmanna er Helga Vala Helgadóttir, Samfylkingunni.

Hún fjallar um málið á Facebook einnig þar sem hún hyggst óska eftir stuðningi um breytingu á þessu ákvæði er varðar aldursskilyrði til hlutabóta:

„Athygli mín var vakin á því að í lögum um hlutabætur, sem við afgreiddum með hraði úr Velferðarnefnd og þingi fyrir rúmri viku væri einn ágalli. Þannig er að í lögum um atvinnuleysistryggingar er eitt skilyrða fyrir atvinnuleysisbætur þær að umsækjendur verða að vera á aldrinum 18-70 ára. Þannig geta þeir sem eldri eru en 70 ára og fara núna á skert starfshlutfall ekki sótt um hlutabætur. Það er einfaldlega ekki lagaheimild fyrir því.

Í meðferð okkar á þessu máli aftengdum við ákvæði varðandi námsmenn, sem alla jafna geta ekki sótt um atvinnuleysisbætur, en geta nú sótt um hlutabætur. Ég tel rétt að við tökum einnig tillit til þessa hóps eldri en 70 ára sem enn eru á vinnumarkaði og hef því sent póst á Velferðarnefnd og óskað eftir stuðningi við tillögu mína um breytingu á þessu ákvæði er varðar hlutabæturnar. Vonandi fæst samþykki meirihluta nefndarinnar fyrir þessu, enda skýrt réttlætismál að mínu mati. Við ættum þá að geta lagfært þetta á þeim þingfundum sem fyrirhugaðir eru á morgun og mánudag.

(Viðbót – stjórnarandstaðan hefur nú brugðist við og styður málið. Vonandi verða stjórnarliðar jákvæðir)“


Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Tekist á um hlutabótaleiðina – „Við ætlum að taka maurinn, koma með bazooka og sprengja þá alla.“ 

Tekist á um hlutabótaleiðina – „Við ætlum að taka maurinn, koma með bazooka og sprengja þá alla.“ 
Eyjan
Fyrir 3 dögum

Bjarni tjáir sig um galla Katrínar og samskiptin við Davíð

Bjarni tjáir sig um galla Katrínar og samskiptin við Davíð
Eyjan
Fyrir 5 dögum

Flugfreyjur neita að láta hræðsluáróður Icelandair beygja sig í duftið – Ítreka samningsvilja sinn

Flugfreyjur neita að láta hræðsluáróður Icelandair beygja sig í duftið – Ítreka samningsvilja sinn
Eyjan
Fyrir 5 dögum

Brynjar skilur ekki neyslurými en vill afglæpavæða neyslu – „Þetta er bara einhver þvæla“

Brynjar skilur ekki neyslurými en vill afglæpavæða neyslu – „Þetta er bara einhver þvæla“
Eyjan
Fyrir 5 dögum

Icelandair sagt „ógeðslegt“ fyrirtæki – „Með því viðbjóðslegasta sem ég hef séð“

Icelandair sagt „ógeðslegt“ fyrirtæki – „Með því viðbjóðslegasta sem ég hef séð“
Eyjan
Fyrir 5 dögum

„Latasti þingmaðurinn kvartar yfir vinnusemi kollega síns. You can´t make this shit up“

„Latasti þingmaðurinn kvartar yfir vinnusemi kollega síns. You can´t make this shit up“
Eyjan
Fyrir 6 dögum

Vill skoða aðrar útfærslur á sýnatökugjaldi í Leifsstöð – „Ættum að kalla þessa gjaldtöku pólska skattinn“

Vill skoða aðrar útfærslur á sýnatökugjaldi í Leifsstöð – „Ættum að kalla þessa gjaldtöku pólska skattinn“
Eyjan
Fyrir 6 dögum

Verkfræðiprófessor boðar nýstárlega samgöngulausn fyrir Miklubraut -„Hefur hvergi sést áður“

Verkfræðiprófessor boðar nýstárlega samgöngulausn fyrir Miklubraut -„Hefur hvergi sést áður“