Fjórar umsóknir bárust um stöðu lögreglustjórans á höfuðborgarsvæðinu sem auglýst var laus til umsóknar, en umsóknarfrestur rann út 30. mars. Sigríður Björk Guðjónsdóttir, fyrrverandi lögreglustjóri, var nýlega skipuð ríkislögreglustjóri. Greint er frá þessu á vef stjórnarráðsins.
Eftirtaldir sóttu um stöðuna:
Halla Bergþóra Björnsdóttir, lögreglustjórinn á Norðurlandi eystra, Helgi Valberg Jensson, aðallögfræðingur lögreglunnar á höfuðborgarsvæðinu, Hulda Elsa Björgvinsdóttir, settur lögreglustjóri á höfuðborgarsvæðinu og Jón H. B. Snorrason, saksóknari við embætti ríkissaksóknara.
