Félag leikskólakennara hefur skrifað undir samning sem gildir til 31. desember 2021. Í samningnum er sérstök áhersla lögð á faglegt starf og undirbúning þess. Félag stjórnenda leikskóla og Skólastjórafélag Íslands hafa skrifað undir jafnlanga samninga sem fela m.a. í sér samræmingu á kjaramálum félaganna og nýtt mat á starfsreynslu.

Samningarnir verða kynntir félagsmönnum ofangreindra félaga á næstu dögum og atkvæðagreiðsla um gerða samninga fer fram 5. – 7. ágúst næstkomandi.

Félag grunnskólakennara og Félag kennara og stjórnenda í tónlistarskólum endurnýjuðu viðræðuáætlanir sínar og taka upp viðræður að loknu sumarfríi.