Samfélag Namibíumanna í Bandaríkjunum afhenti Bergdísi Ellertsdóttur, sendiherra Íslands í Bandaríkjunum, áskorun í gær. „Rík­is­stjórn ykk­ar verður að neyða ís­lenska fyr­ir­tækið, Sam­herja, til þess að skila pen­ing­un­um til fólksins í Namibíu,“ segir í áskoruninni. Mbl.is fjallaði fyrst um málið

Samfélag Namibíumanna birtir þessa áskorun á Facebook-síðu sinni en þar segja þeir að það sé algengt meðal fólks að halda að spilling sé algengt og venjulegt vandamál í Afríku. Það vakti einmitt mikla athygli þegar Bjarni Benediktsson, fjármála- og efnahagsráðherra, staðfesti þetta með ummælum sínum í kjölfar Samherjamálsins. „Það er nú kannski líka það sem er slá­andi og svo sem lengi vitað að spill­ing­in í þess­um lönd­um – auðvitað er rót vand­ans í þessu til­tekna máli veikt og spillt stjórn­kerfi í land­inu. Það virðist vera ein­hvers kon­ar rót alls þess sem við erum að sjá flett ofan af,“ sagði Bjarni í kvöldfréttum Stöðvar 2.

Í áskoruninni er þessu vísað á bug. „Flestir Namibíumenn vinna hart fyrir lifibrauði sínu. Flestir Namibíumenn búa við fátækt, en ná samt að koma börnunum í skóla og setja mat á borðið fyrir fjölskylduna. Í öðrum orðum erum við Namibíumenn harðvinnandi fólk sem fá engan arð frá spillingu örfárra einstaklinga í landinu okkar,“ segir í áskoruninni.

https://www.facebook.com/Namibiancommunity/posts/2371864166257594