Embætti þjóðleikhússtjóra var auglýst laust til umsóknar þann 10. maí sl. Umsóknarfrestur rann út þann 1. júlí sl. Mennta- og menningarmálaráðuneyti bárust sjö umsóknir um stöðuna, frá fjórum konum og þremur körlum.
Meðal umsækjenda er Magnús Geir Þórðarson útvarpsstjóri, sem líkt og kunnugt er tilkynnti starfsmönnum RÚV að hann hefði sótt um starfið, og væri bjartsýnn á að hreppa hnossið.
Ari Matthíasson Þjóðleikhússtjóri sækir einnig um starfið, en gustað hefur um hann á síðustu misserum.
Umsækjendur eru:
Ari Matthíasson, þjóðleikhússtjóri,
Brynhildur Guðjónsdóttir, leikari og leikstjóri,
Guðbjörg Gústafsdóttir,
Kolbrún K. Halldórsdóttir, leikstjóri,
Kristín Eysteinsdóttir, leikhússtjóri Borgarleikhússins,
Magnús Geir Þórðarson, útvarpsstjóri
Stefán Sturla Sigurjónsson, verkefnastjóri, leikari og rithöfundur.
Skipað verður í embætti þjóðleikhússtjóra frá og með 1. janúar 2020.
