Þau Steinunn Þóra Árnadóttir, þingmaður VG og Haraldur Benediktsson, þingmaður Sjálfstæðisflokksins, hafa vísað Klausturmálinu til Siðanefndar Alþingis. Kjarninn greinir frá.

Steinunn og Haraldur vísa málinu frá forsætisnefnd, hvar þau voru kjörin tímabundnir varaforsetar í janúar, þar sem aðrir varaforsetar voru vanhæfir til að fjalla um málið, þar sem þeir höfðu tjáð sig um það í fjölmiðlum áður en nefndinni gafst færi á að fjalla um málið.

Siðanefnd skilaði áliti sínu um Klausturmálið til forsætisnefndar í lok mars þar sem það var talið falla undir gildissvið siðareglna þingmanna, en þar segir til dæmis:

„Al­­þing­is­­­menn eru op­in­ber­ar per­­­són­­­ur, sú hátt­­­semi sem um ræðir átti sér stað á op­in­ber­um vett­vangi og teng­ist mál­um sem hafa verið áber­andi í þjóð­­fé­lags­um­­ræð­unni. Þar sem hátt­ernið varðar al­­­menn­ing verður ekki litið á þau at­vik sem hér um ræðir sem einka­­­sam­­tal.“

Siðanefndina skipa þau Ásta Ragnheiður Jóhannesdóttir, fyrrverandi forseti Alþingis, Hafsteinn Þór Hauksson, dósent við lagadeild HÍ, og Salvör Nordal, sérfræðingur við Siðfræðistofnun HÍ.

Nefndin var skipuð árið 2017 og eru hún skipuð til fimm ára.