Það er orðið skrítið ástandið í heiminum þegar manni finnst að forseti Kína (sem í leiðinni er frammámaður í svonefndum kommúnistaflokki þess ríkis) sé eini leiðtogi stórveldis í heiminum sem talar af sæmilegu viti. (Þar er forsætisráðherra Bretlands meðtalin, þótt áhöld séu raunar um að hún stjórni stórveldi.)
Xi Jianping lagði það til í ræðu hjá Sameinuðu þjóðunum í gær að kjarnorkuvopn verði alfarið bönnuð og að þeim kjarnorkuvopnum sem eru til verði eitt.
En annars orðar Guðjón Friðriksson sagnfræðingur þetta ágætlega:
Það er margt kyndugt í henni Versu. Nú er forseti Kína, stærsta kommúnistaríkis í heimi, orðinn aðaltalsmaður frjálsra og opinna viðskipta í heiminum (ræða í Davos) meðan verðandi forseti Bandaríkjanna, höfuðvígis kapítalismans, boðar höft, tollamúra og einangrunarstefnu.
