Tveir ráðherrar í sænsku ríkisstjórninni munu víkja úr embætti og munu fjórir nýjir ráðherrar koma inn í sænsku stjórnina. Stefán Löfren forsætisráðherra greindi frá þessu á blaðamannafundi í morgun.

Sænska stjórnin leikur nú á reiðiskjálfi eftir að það kom í ljós að Samgöngustofa Svíþjóðar hafi lekið gríðarlegu magni af persónuupplýsingum og hernaðarleyndarmálum.

Sjá frétt: Sænska ríkisstjórnin riðar til falls

Í gær lögðu leiðtogar stjórnarandstöðunnar fram van­traust­s­til­lögu á Peter Hultqvist varn­ar­mála­ráð­herra, And­ers Ygemann inn­an­rík­is­ráð­herra og Önnu Johans­son ráðherra innviða vegna meints aðgerðaleysis ráðherranna þriggja vegna málsins.

Löfren greindi frá því í morgun að And­ers Ygemann og Anna Johans­son verði vikið úr ríkisstjórninni. Búist var við að Löfren myndi tilkynna að ríkisstjórnin öll færi frá en sagði hann að það kæmi sér ekki vel að vera með stjórnarkreppu í landinu.