Þetta mun vera komið frá Stúdentaráði Háskóla Íslands, úr umsögn um nýtt frumvarp um námslán.

Þarna er tæpt á miklu vandamáli og útbreiddu, sókninni í lág laun og há lán. Því miður, alltof margir Íslendingar eru undir þessa sök seldir.

Annars virðist ýmislegt vera ágætt í þessu frumvarpi, annað ekki eins gott. Þetta er auðvitað svo mikilvægt mál að þarf að ræða í bak og fyrir, óþarfi að flýta sér. Eitt sem manni sýnist orka tvímælis er að erfiðara gæti verið fyrir Íslendinga að fara í langskólanám í útlöndum. En það hefur einmitt alltaf verið einn styrkur menntakerfisins í þessu fámenna landi sem mun aldrei geta boðið upp á menntun eins og hún er best í heiminum nema kannski bara á fáum sviðum – að fara burt og mennta sig annars staðar.