Leikarinn Kirk Douglas er 100 ára í dag. Ferill hans er ótrúlega magnaður, en reis hæst á seinni hluta sjötta áratugarins og fyrri hluta þess sjöunda.

Hér er hann í magnaðri senu úr bestu kvikmynd Stanleys Kubrick, að öðrum ólöstuðum, Paths of Glory. Myndin gerist í fyrri heimstyrjöld.

Douglas er liðsforingi sem gengur langa leið gegnum skotgrafir, hermenn bíða átekta eftir því að hlaupa upp úr gröfinni og gera árás. Síðan gefur Douglas merki og þeir fara af stað í orrustuna. Þetta er byggt á atburðum sem urðu í Verdun 1916. Herforingjar létu taka óbreytta hermenn af lífi, þeim var kennt um ófarir í orrustunni og sakaðir um heigulshátt – en sökin var foringjanna.