RÚV birtir skoðanakönnun þar sem er spurt um kosningamál. Niðurstaðan er sú að heilbrigðismálin séu langefst í huga kjósenda. Þegar þátttakendur eru beðnir að raða málum í mikilvægisröð nefna 45,2 prósent heilbrigðismálin fyrst. Þá koma málefni aldraðra og öryrkja með 13,6 prósent, þvínæst húsnæðismálin með 7,2 prósent.
Önnur mál lenda neðar, þannig telja 5,4 prósent að endurskoðun stjórnarskrárinnar sé mikilvægasta málið, 1,5 prósent nefnir aðildarviðræður við Evrópusambandið og einungis 1 prósent telur að málefni innflytjenda séu mikilvægust.
Það virðist semsé vera uppi mjög eindregin krafa um átak í heilbrigðis- og velferðarmálum. Spurnin eftir því að næsta kjörtímabil snúist um nýja stjórnarskrá eða að haldi verði þjóðaratkvæðagreiðsla um framhald viðræðna við ESB virðist vera ansi mikið minni.
