Ég hef áður sagt að það hafi verið nokkurs konar fokkmerki til þeirra sem vilja breytingar á stjórnarskránni að gera Sigurð Líndal að formanni stjórnarskrárnefndar.

Því Sigurður hefur aldrei legið á þeirri skoðun sinni að ekki þurfi að breyta stjórnarskránni – og hann hefur líka tönnlast á því að ekki sé til neitt sem heitir þjóðareign.

Nú hefur Sigurður verið formaður stjórnarskrárnefndar í heilt ár og þá er greinilegt að honum þykir sjálfum nóg komið. Hann vill ekki breyta stjórnarskránni sjálfur og hann finnur að ríkjandi stjórnvöld hafa engan áhuga á því heldur. Sigurður telur að jafnvel þótt nefndin myndi „skila frá sér góðu plaggi yrði ekkert gert með það“. Þetta má lesa í Morgunblaðinu í dag.

Eftir situr höfuðlaus stjórnarskrárnefnd og þarf væntanlega að finna henni nýjan formann – eða hvað?

Þegar nefndin var kynnt fyrir ári sagði í frétt:

Stefnt er að því að vinnu nefnd­ar­inn­ar ljúki tím­an­lega svo að hægt sé að samþykkja frum­varp til breyt­inga á stjórn­ar­skránni á yf­ir­stand­andi kjör­tíma­bili en unnt er að áfanga­skipta vinn­unni eft­ir því sem henta þykir.