Reykjavík er ótrúlega skítug þessa dagana – og grá.

Það hefur ekki verið nein úrkoma í langan tíma en sandur sem var borinn á götur og gangstéttar í síðustu snjóatíð fýkur um. Við bætist svifrykið undan nagladekkjum.

Sandur og ryk sest í andlit og vit – fer í hárið á manni svo maður verður eins og reytt hæna. Fólk er fölt og grátt eftir skammdegið, frostið og vindurinn gerir mann skellóttan í framan.

Það eru eldgamlir svellbunkar á götum, brúnir og grútskítugir.

Það er svosem ekki neinum um að kenna, maður getur reynt að bölva borgarstjórninni en það er varla til neins. Þetta skolast vonandi burt ef gerir hressilega úrkomu.

Mun ekki af veita. Það vantar regn.