Það var gott atriðið í áramótaskaupinu þar sem íslenskur ferðaþjónustumaður var að selja túristum norðurljósin upp við Hallgrímskirkju.
Endaði svo á því að stela af þeim veskinu.
Ferðamönnum eru seldar norðurljósaferðir þegar allir heimamenn vita að engra norðurljósa er að vænta og þeim eru seldar hvalaskoðunarferðir þar sem sjást engir hvalir.
Okkur þykir allt í lagi að ferðamenn komi í tugþúsundatali hingað yfir jól og áramót – þegar allt er lokað og varla matarbita að fá.
Eiríkur Jónsson lýsir þessu ágætlega í lítilli grein sem nefnist Túristar á hrakhólum.
Ferðamennska er að verða stærsta atvinnugrein á Íslandi. En græðgin getur valdið miklum spjöllum ef spyrst út gullgrafarahugsunarhátturinn sem ríkir hér í túrismanum.
