Menn eru farnir að kalla þetta hús „skrímslið“ eða „horrorhúsið“ við Mýrargötu.

Þarna hafa verktakar með sín nýtingarhlutföll algjörlega orðið ofan á. Húsið rís á svæði sem hefur verið að þróast mjög skemmtilega, að miklu leyti vegna frumvæðis íbúanna. Svo er þessu sjö hæða risahúsi þar sem er byggt út í öll lóðamörk troðið þarna niður – í algjöru ósamræmi við hugmyndir um samræmi og fegurð.

Var ekki hægt að stoppa þessar framkvæmdir sem eru ættaðar frá því fyrir hrun? Eru borgaryfirvöld of hrædd við verktaka og bótakröfur þeirra?

Spyr sá sem ekki veit.

En í raun er ekki annað að gera en að stefna að því að rífa þetta hús við fyrsta tækifæri.