Ég hef bent á það áður hversu mikil óbilgirni er í undirskriftasöfnuninni Hjartað í Vatnsmýri. Það er ekki gefið færi á neinum málamiðlunum eða lausnum, enda þykir mönnum allt í lagi að svipta borgina skipulagsvaldi sínu, beinlínis taka af henni sjálfræðið.

Þetta sýnir glöggt hversu erfitt við Íslendingar eigum með að tala saman og stunda stjórnmál sem eru byggð á rökum, samræðu og skynsemi.

Vinur minn einn á Facebook orðar þetta svona og vitnar í markmiðslýsingu félagsins sem

„Félagið var stofnað þann 8. júlí 2013 í þeim tilgangi að tryggja landsmönnum öllum óskertar flugsamgöngur í Vatnsmýri.“

Ekki sjúkraflug. Ekki betri flugvöll. Ekki betri samgöngur milli landsbyggðar og höfuðborgar. Engar málamiðlanir. Ein lausn. 

Bara óskertar flugsamgöngur í Vatnsmýri.“