Það má varla tefja lengur að koma upp kynjuðum sundlaugum – eða það má ráða af umræðum í borgarstjórn Reykjavíkur.
Sundlaugum þar sem karlar eru aðskildir frá konum.
Ég man reyndar eftir einum degi í Sundlaug Vesturbæjar þar sem voru eingöngu karlar.
Þetta var líklega á einum kvennafrídaganna. Kvenkyns baðverðir lögðu niður störf, þannig að einungis karlar komu í sund.
Sumir nýttu tækifærið og völsuðu um laugarbakkanum á sprellanum, frelsinu fegnir.
Það var allt mjög óþvingað – og kynjað.
En ég man samt ekki að uppi hafi verið sérstakar kröfur um að endurtaka leikinn.
Það væri munur að mæta í sund og þar væru eingöngu konur eða eingöngu karlar.
