Skýrt er frá því Mjólkursamsalan hafi fargað 50 kílóum af Gruyère osti – hann reyndist vera ógerisneyddur og of ungur.

Stenst ekki reglugerð um innflutning á osti.

Af þessu stafar náttúrlega stórhætta. Þar sem ostagerð er stunduð í Evrópu er framleiddur mikill fjöldi af ógerilsneyddum ostum. Reyndar er það svoleiðis að sumu fólki finnst þeir betri.

En það fólk veit náttúrlega ekki að það leggur sig í lífshættu við át slíkra osta og að því væri hollara að neyta til dæmis hinna gerilsneyddu og iðnaðarframleiddu íslensku osta.

— — —

Annars geta menn velt því fyrir sér hvers vegna það er Mjólkursamsalan sem er að flytja inn þennan ost, þetta mikla einokunarfyrirtæki í framleiðslu mjólkurafurða. Það sér líka hag sinn í að kaupa innflutningskvóta á osti.

Þetta fyrirtæki er náttúrlega eins og risastórt nátttröll í íslensku samfélagi. Í því sambandi má benda á texta sem Ólafur Magnús Magnússon, sem hefur af veikum mætti reynt að halda uppi samkeppni í mjólkuriðnaði, setti á Facebook-síðu sína nýskeð:

„Í dag var gerð húsleit hjá Samskipum og Eimskip vegna hugsanlegra samkeppnisbrota, það er misnotkun á markaðsráðandi stöðu og verðsamráð. Við skulum muna að allir eru saklausir þar til sekt er sönnuð. Öll fyrirtæki á landinu búa við eftirlit Samkeppnisstofnunar nema eitt fyrirtæki, en það er Mjólkursamsalan sem er með 98 prósenta markaðshlutdeild en jafnframt er innflutningur ekki mögulegur vegna ofurtolla. MS hefur í þessu skjóli ásamt öðrum fyrirtækjum tekist að kaupa upp keppinauta sína. Verðleggja hráefni til keppinauta með 17 prósenta álagi til hindra samkeppni. Í öllum okkar nágrannaríkjum hafa fyrirtæki verð sektuð um stórfé fyrir svipaða framgöngu og MS hefur komist upp með hér.

Á meðan gera ráðamenn ekkert í málinu,  í raun eru frekar upp áform um að auka enn á óréttinn. Þannig hafa öll stóru samvinnufélög Nænda á Norðurlöndum, Tine, Arla Foods og Valio verið ítrek sektuð fyrir brot á samkeppnislögum, brot sem eru Mjólkursamsölunni heimil. En það er kaldhæðnislegt við þetta allt saman að þau fyrirtaeki sem MS vinnur með á
Nordurlöndum eru einmitt fyrirtæki sem eru einkarekin og hafa notið verndar samkeppnislaga við uppbyggingu sína. Þannig geta íslenskir kúabaendur þakkað fyrir að mjólkuriðnaðurinn í Noreg heyri undir samkeppnislög þar í landi því annars væri Q mejeri ekki að ná þessum árangri med skyrið. Það sama á við í Danmörku. Ég auglýsi því hér eftir nýjum landbúnaðarráðherra ,hef reynt að ná fundi hans því megin ástæðan fyrir undanþágu MS frá samkeppnislögum var innganga í ESB og lítið annað gera enn fella þessi ákvæði strax úr gildi.“